ملتقى الألوان الفني ملتقى الألوان الفني
من سلسلة قلّي وقلتلو للشاعرة ملاك الموسوي
قلّي:
بحبّ المرا المفرفشة المزهزهة اللي وجودها عيدي
بعيونها لمعة حجر فيروز عمرو مَ ٱنجرح
وِنْكان لا بدّ الجرح
خربش انا الِجروح الجديدي
صوتا عزف عالعود
بعدو ما نعزف
مش سامعو إنسان
مرسوم عا تمّا ضحك
وال راسمن فنّان
وتضحك معي
كمشة ضحك رنّان
بعدو ما ٱنضحك
وقلّا بعد زيدي
بحبّ المرا
وجها مرايا للفرح
وتكون عبستها شغل إيدي
بعد ردّة قلّي الماضية
قلتلّو:
وجّي وعيوني مرايتك
وفيهن حتقشع حالتك
دقّات قلبي بتسمعن
ردّات
غنّيات
وصوتي انا دوامتك
ونْجرّبت
تعزف نكد
نوتات قلبي بفردا
عالنقّ ما عندي جلَد
شرايين قلبك بعقدا
بخليك تلعن ساعتك
وجّي وعيوني مرايتك
وفيهن حتقشع حالتك
دقّات قلبي بتسمعن
ردّات
غنّيات
وصوتي انا دوامتك
ونْجرّبت
تعزف نكد
نوتات قلبي بفردا
عالنقّ ما عندي جلَد
شرايين قلبك بعقدا
بخليك تلعن ساعتك
