قصيدة “بتعرف شو يعني حبك من بعيد” للشاعرة ملاك الموسوي

بتعرف شو يعني حبك من بعيد؟!
يعني بخيالي بحدد مواعيد
بجمّد الوقت …بقدّس النطرة
انت بسما قلبي هلال العيد
ون ما طلعت اليوم…في بكرا
بسكّت حنيني اليوم بالتنهيد
وبنطر تيخلص بعد يوم جديد
وشمس الغياب تمسّح الحمرة
شو بخاف منها تتقّل السهرة
ويتأخّر الفجر وعذابي يزيد
بتعرف شو يعني حبّك من بعيد؟!
يعني أنا برسم لصوتك إيد
تمحي الغياب وتكتب الغمرة