ملتقى الألوان الفني ملتقى الألوان الفني
من أجمل ما كتبَ والدي الشاعر #خليل_شحرور رحمه الله أثناء الحرب الأهلية اللبنانية المؤلمة، قصيدة “لبنان يا جنة المعمورة”
لبنان يا جنة المعمورة
الله على اللي شوهوا الصورة
انكشفت اللعبة ال دارت من سنين
وما عاد فيها وراق مستورة
إتطلع معي بضياعنا الحلوين
العا تلالنا تريات منشورة
بتحتار كيف الناس مختلفين
الخلفة وهم والحرب حزورة
بعقلين موصولة ببيت الدين
والدير بكفرحيم مجبورة
وبجباع غيبة شمس عا جزين
بيكزدروا الحلوين كزدورة
وأرض صربا عن أرض حومين
ما بتبعد أربع متورة
ومتل المسافة بمشغرة وصغبين
وما بين بر الياس وشتورة
نادي يا خيي عن جبل صنين
ذات الصدى بيردّ بالكورة
وما بيلحق يجاوب من شمزين
تا يرد خيك من الناقورة
وبطرابلس لو قلت أهلك مين
أهلك بيردوا من بتعبورة
بعلبك حبيبتنا وإبن يونين
بإهدن ما شاف الميّ معكورة
أيا دني بتقبل وأيا دين
تبقى بيوت العز مهجورة
ونحنا من التكوين خلقانين
عيلة بطيب العيش مغمورة
ومتل ما خلقنا من التكوين
أعلام للأمجاد ونسورة
بدنا عطول نضل متفقين
درزي ومسيحي ومسلم بلبنان
وجوامع وخلوات وديورة
